Ўзлари Ўзбекистондаги энг катта имтиёзхўр, лекин электромобиллар импорти учун бож киритишни талаб қилишдан асло уялишмайди
Давлетов "ҳукумат халққа ён босади, одамларни ўтмишдаги каби танловсиз қолдирмайди" деб умид қилишда давом этмоқда. Мен эса ҳеч қанақа умид қилманг дейман. Нимага? Чунки кимга ён босиш масаласи аллақачон ҳал қилиб бўлинган.
Раҳбари электромобиллар импорти учун божларни қайтаришни талаб қилаётган компания 2023 йилда импорт божхона тўловлари бўйича 4 265,1 млрд.сўм, 2024 йилнинг биринчи чорагида эса 1 399,0 млрд.сўмлик имтиёз олган.
Яъни бу гўёки автомобиль ишлаб чиқарувчи (аслида йиғувчи) компания Ўзбекистонда импорт божларини тўламаслик бўйича энг катта имтиёзхўр.
Имтиёзхўрликда шу пайтгача биринчи бўлган UzAuto Motors' ҳам ортда қолдирилган. UzAuto Motors ҳеч бўлмаса ҚҚС тўлайди, булар эса махфий қарор билан ҳатто ҚҚС тўламаслик бўйича ҳам ҳукуматдан имтиёз ундириб олишган.
Тенг имкониятлар ва шаффофлик ҳақида қадриятларни маҳкам ушлаши керак бўлган Иқтисодиёт ва молия вазирлиги, марҳамат қилиб, импорт бўйича имтиёзхўрларнинг рўйхатини ва улар тўламаётган божлар миқдорини очиқласа бўларди. Халқ "ўз қаҳрамонларининг" муваффақияти қаердан эканини билиб қўйса ёмон бўлмайди.
Энди ўзингиз учун морални тасаввур қилинг, ўзи "йиғиб сотаётган" импорт машиналари учун бож тўламайдиган, ҳатто ҚҚС тўламайдиган компания қайси ўлчов билан электромобилларга бож киритишни талаб қила олади?
Давлетов "ҳукумат халққа ён босади, одамларни ўтмишдаги каби танловсиз қолдирмайди" деб умид қилишда давом этмоқда. Мен эса ҳеч қанақа умид қилманг дейман. Нимага? Чунки кимга ён босиш масаласи аллақачон ҳал қилиб бўлинган.
Раҳбари электромобиллар импорти учун божларни қайтаришни талаб қилаётган компания 2023 йилда импорт божхона тўловлари бўйича 4 265,1 млрд.сўм, 2024 йилнинг биринчи чорагида эса 1 399,0 млрд.сўмлик имтиёз олган.
Яъни бу гўёки автомобиль ишлаб чиқарувчи (аслида йиғувчи) компания Ўзбекистонда импорт божларини тўламаслик бўйича энг катта имтиёзхўр.
Имтиёзхўрликда шу пайтгача биринчи бўлган UzAuto Motors' ҳам ортда қолдирилган. UzAuto Motors ҳеч бўлмаса ҚҚС тўлайди, булар эса махфий қарор билан ҳатто ҚҚС тўламаслик бўйича ҳам ҳукуматдан имтиёз ундириб олишган.
Тенг имкониятлар ва шаффофлик ҳақида қадриятларни маҳкам ушлаши керак бўлган Иқтисодиёт ва молия вазирлиги, марҳамат қилиб, импорт бўйича имтиёзхўрларнинг рўйхатини ва улар тўламаётган божлар миқдорини очиқласа бўларди. Халқ "ўз қаҳрамонларининг" муваффақияти қаердан эканини билиб қўйса ёмон бўлмайди.
Энди ўзингиз учун морални тасаввур қилинг, ўзи "йиғиб сотаётган" импорт машиналари учун бож тўламайдиган, ҳатто ҚҚС тўламайдиган компания қайси ўлчов билан электромобилларга бож киритишни талаб қила олади?